ولاد اليوم ضسرو ... والبنات خسرو ...
والدري باش يطلع النيفو طلع شعرو ...
نزل سروالو وما نزل عينو وغض بصرو ...
برهوش تبلا بالحشيش فصغرو ...
و ولاد الإبتدائي حتى هوما ولاو يكميو ويسكرو ...
حاسب الرجولة هي الشراب والگارو ...
والبنات حتى هوما عريانات يتصورو ...
ولتصورهم فالفيسبوك ينشرو ...
كلشي تبع طريق الظلال قليل فينا لي مطفرو ...
ولاّاو الناس بحال الذئاب يطعنو ويغدرو ...
يضحكو ضحكة صفرة فوجه بنادم
ومن يمشي فيه يهضرو ...
شحال من واحد دار فيهم الثقة طعنوه فظهرو ...
فهاد الزمان ماديرش الثقة فكحل الراس راه ماكين لي يحك الجلد بحال ظفرو ...
الزمان تبدل والمناكر كثرو ...
تبعنا الدولار والأورو ...
وبعض الناس بالله لي خلقهم كفرو ...
وإلآ نصحتيهم فيك يدورو ...
ويقوليك ماشي سوقك كل واحد يعوم بحرو ...
ولينا حنا الأولين فالسهرات وعلى الصلاة نتأخرو ...
ولاو المساجد خاوييين يصفرو ...
والمقاهي والملاهي عمرو ...
ماكنهضرش على كلشب وراه كل واحد عارف اش كايسوى وعارف قدرو ...
ولي مامبلي بحتى شي حاجة يحمد ربي ويشكرو ...
ولي بعيد على الدين لله يهديه ولي تابع الطريق المستقيم الله يوفقو وينصرو !!
0 التعليقات:
إرسال تعليق